ҲАМАС қуролларини ташлайди, агар...
Олам
−
25 Апрель 11211
ҲАМАС Фаластин мустақил давлатга айлантирилса ва Исроил билан 5 йил ёки ундан кўпроқ муддатга тинчлик сулҳига эришса қуролларини ташлайди. Бу ҳақда ҳаракат расмийси Ҳалил ал-Ҳайя кеча, 24 апрель куни “Associated Press”га берган интервьюсида маълум қилди.
Унинг сўзларига кўра, Фаластин давлатига 1967 йилгача эга бўлган чегаралари қайтарилиши керак. ҲАМАС Исроилнинг 1967 йилгача бўлган чегаралари бўйлаб “Ғарбий Соҳилда ва Ғазо секторида тўлиқ суверен Фаластин давлатини ва халқаро резолюцияларга мувофиқ фаластинлик қочқинларни қайтаришини” талаб қилади.
Аммо Исроил бундай келишувни кўриб чиқиши даргумон. Негаки унинг амалдаги раҳбарияти 7 октябрдаги воқеалардан сўнг, ҲАМАСни тор-мор этишга ваъда берган. Шунингдек, Исроил давлати раҳбарияти 1967 йилги Яқин Шарқ урушида қўлга киритган ерларини Фаластин давлатига қайтариб беришга мутлақо қарши.
Муқаддасхон Саттарова
Live
Барчаси
