Хитойда қуролланган эркак мактаб ўқувчиларига ҳужум қилди

Олам

image

Бугун, 4 июнь куни Хитойнинг жанубидаги Учжоу шаҳрида пичоқ билан қуролланган эркак бир гуруҳ мактаб ўқувчиларига ҳужум қилди. Оқибатда 20 киши жароҳат олди. Бу ҳақда “Sina” ахборот портали хабар бермоқда.

Хабарларга кўра, ҳодиса маҳаллий вақт билан соат 08:00 (Тошкент вақти билан 05:00) атрофида мактаб яқинида содир бўлган. Жабрланганлар орасида болалар, мактаб директорининг ўринбосари ва қўриқчи бор.

Воқеа жойига полиция етиб келган ва ҳужум қилган одамни ушлаган. Тез тиббий ёрдам ходимлари воқеа жойида ишламоқда. Маълумотларга кўра, яраланганларнинг камида уч нафарининг аҳволи оғир. Ҳодиса сабаблари аниқланмоқда, тергов ҳаракатлари олиб борилмоқда.


Мақола муаллифи

Теглар

Хитой

Баҳолаганлар

93

Рейтинг

2.9

Мақолага баҳо беринг

Дўстларингиз билан улашинг