Баллистик ракеталарни йўқ қилиш учун маблағ йўқ – Украина Ҳарбий-ҳаво кучлари
Олам
−
22 Май 2023 10318
Украинада барча шаҳарлар ва муҳим инфратузилма объектларини ҳимоя қилиш учун душман баллистик ракеталарини йўқ қилиш учун етарли маблағ йўқ. Бу ҳақда Украина Ҳарбий-ҳаво кучлари қўмондонлиги матбуот котиби Юрий Игнат ахборот телемарафонининг эфирида маълум қилди.
“Афсуски, бизда баллистикага қарши воситалар етарли эмас. Бизда Patriot тизимлари огоҳлантириш ҳолатида. Аммо бу бизга керак бўлган барча йўналишларни, барча йирик шаҳарларни ва барча муҳим инфратузилма объектларини тўсиб қўйиш учун етарли эмаслиги аниқ. Чунки бугун душман айнан Днепрдаги ҳарбий объектлар ва муҳим инфратузилма объектларини нишонга олди”, дейди Игнат.
Шунингдек, у Украинага Киев мисолида ишлайдиган баллистикага қарши воситалар кераклигини таъкидлаган.
Игнатнинг қайд этишича, яқинда кучли ҳужум пайтида олтита “Кинжал” ва 10 тагача баллистик ракеталар Patriot тизими томонидан йўқ қилинган. Бундан ташқари, у Украина Ҳарбий ҳаво кучлари тез кунда Украинада жанговар навбатчилик қилишни бошлайдиган SAMP/T тизимларини кутаётганини маълум қилган.
“Украина катта ва бизга бу маблағлар кўпроқ керак. Албатта, биз F-16 самолётлари бугунги куннинг энг муҳим мавзуси бўлишини кутамиз”, дея қўшимча қилган Игнат.
Live
Барчаси
