Дунёда илк бор бир вақтнинг ўзида икки трансплантация амалга оширилди
Саломатлик
−
06 Март
6484Япониялик мутахассислар дунёда биринчи марта тирик донорлардан иккала ўпка ва жигар қисмларини бир вақтда трансплантация қилишди. Бу ҳақда ТАСС хабар бермоқда.
Маълум бўлишича, бемор 10 ёшли болада туғма дискератоз - мураккаб ирсий касаллик бўлиб, унинг белгилари суяк илиги етишмовчилиги ва хавфли касалликларнинг ривожланиш тенденциясидир. Ўпканинг ўнг ва чап қисмини берган донорлар боланинг ота-онаси бўлган. Шунингдек, жигарнинг бир қисми боланинг бобосидан ўтказилган.
Операция ўтган йилнинг ноябрь ойида бўлиб ўтгани айтилмоқда. У 18 соат давом этган ва муваффақиятли деб топилган. Унда 30 дан ортиқ турли тиббиёт мутахассислари иштирок этган.
“Шундан сўнг бола узоқ реабилитация курсидан ўтди. У шу йилнинг март ойи бошида шифохонадан чиқарилган. Унинг қариндошлари ҳам аллақачон ўзларини нормал ҳис қилмоқдалар ва шифокорларнинг назоратига муҳтож эмас”, дейилади хабарда.
Сарвар Хуррамов
LiveБарчаси