“Додамни қайтариб беринглар”. Венесуэлада АҚШга қарши оммавий намойиш бошланди (видео)

 АҚШ кучлари Венесуэла раҳбари Николас Мадурони ҳибсга олгандан сўнг, Каракасда тахминан 2 минг нафар фуқаро намойиш ўтказиб, ўз Президентининг озод этилишини талаб қилди. Бу ҳақда “The Sunday Guardian” нашри хабар берди. 

Хабарда айтилишича, Мадуронинг тахминан 2 минг нафар тарафдори Каракас кўчаларига чиқиб, АҚШ кучлари томонидан Президент ва унинг рафиқаси ҳибсга олинганидан сўнг, уларнинг озод қилинишини талаб қилган. Намойиш дастлабки ҳарбий операциядан кейинги кун бўлиб ўтган. Унда америкаликлар Мадурони ҳокимиятдан олиб ташлаган, бу эса Венесуэлада сиёсий ноаниқлик ва тартибсизликларни юзага келтирган.  

Қайд этилишича, намойишга про-Мадуро парамилитар гуруҳлар ва мотоциклчилар ҳам қўшилган, улар Венесуэла байроғини кўтариб, Президент билан бирдамлигини кўрсатмоқчи бўлган. Кўпчилик шиорлар куйлаб, плакатларда Мадуронинг озод қилинишини талаб қилган. 

Намойишчилар “Президентимизни озод қилинг” ва “Венесуэла ҳеч кимнинг колонияси эмас” ёзувли плакатларни кўтарган ҳолда кўчага чиққан. Ушбу шиорлар аҳолининг АҚШ ҳужуми ва Венесуэла ишларига хорижнинг аралашувига нисбатан норозилигини акс эттирди. 

Эслатиб ўтамиз, аввалроқ Венесуэла расмийлари қўлга олинган Президент Николас Мадуро ва унинг рафиқасини озод этиш бўйича махсус комиссия тузган эди.