Гвардиола “Манчестер Сити”нинг бугунги ғалабаси ҳақида нималар деди?

“Манчестер Сити” клуби устози Пеп Гвардиола Англия кубоги доирасида “Лейтон” устидан қозонилган ғалаба ҳақида гапирди. Бу ҳақда у ўйиндан кейинги матбуот анжуманида сўз очди.

“Яхши ўйин ўтказдик. Бу Англия кубогининг одатий ўйини эди. Рақиб қандай кучга эга эканини билардик. Улар қанотларда анча фаол ўйнади. “Лейтон” ҳақиқатдан кучли клуб. Аммо биз кўплаб вазиятларни яратдик. Кейинги босқичга ўтганимиздан хурсандман”, деди Гвардиола. 

Шунингдек, мураббий биринчи таймдаги муаммолар ҳақида тўхталиб ўтди.

“Дастлабки бўлимда унчалик ёмон ўйин кўрсатмадик. Бошидаги 10-15 дақиқада камчиликлар кўрингандир. Аммо уларнинг киритган чиройли голидан кейин тизгинни қўлга олдик ва кўплаб вазиятларни яратдик. Ғалабага ҳақли эдик”, дейди Гвардиола.

Эслатиб ўтамиз, бироз олдин якунига етган баҳсда “Манчестер Сити” меҳмонда “Лейтон”ни 2:1 ҳисобида мағлуб этиб, навбатдаги босқичга йўл олди. Ўйинда захирадан майдонга тушган ўзбекистонлик футболчи Абдуқодир Ҳусанов гол уриб, ҳисобни тенглаштирганди.