Исроил фаластинликлар учун 4G алоқа хизматларини янгилашни маъқуллади

Бугун, 6 январь куни Исроил Ғарбий Соҳилдаги фаластинликлар учун тўртинчи авлод (4G) мобил хизматларига ўтишни маъқуллади. Бу ҳақда Исроил Алоқа вазирлиги ахборотига таяниб, “Reuters” хабар берди.

Қайд этилишича, Фаластиннинг иккита мобил алоқа оператори – “Jawwal” ва “Ooredoo” ҳамда Швеция инфратузилма компанияси 4 январь куни Исроил томонидан тасдиқланган бошқарув шартномаларини имзолаган.

Фаластин уяли алоқа провайдерлари 2018 йилда босиб олинган Ғарбий Соҳилда 3G асосида юқори тезликдаги маълумотлар хизматларини ишга туширган, бу эса Исроилнинг маҳаллий 3G тармоқларидан фойдаланишни узоқ вақт тақиқлаганидан кейин Исроил билан технологик тафовутни камайтирди.

Вазирликка кўра, ушбу тасдиқ Исроил ва Фаластин маъмурияти ўртасида 2022 йилда 4G ва 5G уяли алоқа технологияларига рухсат беришга қаратилган доиравий келишувнинг бир қисми сифатида қабул қилинган. Исроил оммавий ахборот воситаларининг хабар беришича, келишув Ғазо уруши туфайли кечиктирилган, шунингдек, 4G га ўтиш жараёни олти ойгача давом этиши айтилган.

Фаластин провайдерлари анча тезроқ 5G мобил частоталарида тезроқ ишлайдиган Исроил уяли алоқа компаниялари билан рақобатлашади. Исроил эски 2G ва 3G технологияларини ўчириш жараёнида ва аҳолига ўзларини 4G ва 5G ни қўллаб-қувватлайдиган қурилмалар билан жиҳозлашни маслаҳат берди. Бироқ ҳали ҳануз Ғазода фақат 2G тармоқлари мавжуд.

Эслатиб ўтамиз, аввалроқ Ғазо харобалари орасида 54 жуфтлик учун оммавий тўй ўтказилгани ҳақида хабар берилганди. Ҳамад тураржой мажмуасининг вайроналари остида ўтказилган маросим БААнинг “Жасоратли рицарь 3” гуманитар операцияси доирасида ташкил этилган.