Истанбул аэропортида 5 та ит ишга ёлланди
Бу қизиқ
−
11 Апрель 3766
Истанбул аэропортида итлар ишга ёлланди. Бу ҳақда “Bloomberg” хабар берди.
Дунёдаги энг гавжум аэропортлардан бирининг залларида бешта янги ишга ёлланган итлар парвоз олдидан хавотирланаётган йўловчилар учун стрессиз саёҳат тажрибасини тақдим этиш мақсадида хизмат қилмоқда.
Мазкур дастурнинг барча тўрт оёқли аъзолари сертификатланган терапия итлари бўлиб, улар профессионал тарзда ўқитилиб, одамларга тасалли беришга ўргатилган. Улар февраль ойининг охиридан бошлаб аэропортда навбатчилик қилмоқда.
Жамоа ветеринарининг таъкидлашича, ҳар бир итнинг феъл-атвори уларнинг кунлик иш соатларини белгилайди.
“Биз уларнинг хавфсизлигини ва барча муҳитларга тўлақонли мослаштирилганини таъминлашимиз керак” дейди Истанбул аэропортининг мижозлар тажрибаси бўйича менежери Қодир Демирташ.
Расмий нишонга эга бўлган, махсус форма кийган итлар белгиланган жадвалга эга бўлиб, аэропортнинг энг қизғин соатларида, соат 10:00 дан 16:00 гача ишлайди.
Аэропорт расмийлари саёҳатчиларнинг дастлабки ижобий фикрларидан кейин мазкур лойиҳани кенгайтиришни режа қилмоқда.
Комила Латипова
