Kia дилерлик конференцияси: 2025 йил якунлари ва 2026 йил режалари

2026 йил 13-февраль куни InterContinental Tashkent меҳмонхонасининг конференсиялар залида Ўзбекистоннинг барча ҳудудларидан бренд дилерлари, бош қароргоҳ вакиллари, халқаро ҳамкорлар ва Kia Узбекистан жамоасини ўзида бирлаштирган Kia Dealer Conference 2026 ҳар йиллик дилерлик конференцияси ўтказилди.

Тадбир доирасида бренднинг 2025 йилдаги фаолияти сарҳисоб қилинди, шунингдек, Kia компаниясининг 2026 йилга мўлжалланган асосий стратегик устувор йўналишлари тақдим этилди.

2025 йил якунларига кўра, Kia Ўзбекистонда бозорнинг бир қатор асосий сегментларида ўз мавқеини мустаҳкамлаб, барқарор ривожланиш суръатини намойиш этди. Йил давомида мамлакатда 25 538 дона Kia автомобили сотилиб, 2024 йилга нисбатан 32 фоизга ўсди. Бренд маҳаллий автомобиль бозорининг етакчиларидан бири бўлиб қолмоқда ва стратегик муҳим сегментларда ўз иштирокини кучайтиришда давом этмоқда. Ўсиш моделлар туркумининг янгиланиши, изчил маркетинг стратегияси, шунингдек, дилерлик тармоғи ва хизмат кўрсатиш инфратузилмасининг фаол ривожланиши билан таъминланди.

Конференциянинг расмий қисмида иштирокчилар мижозлар билан ўзаро муносабатларнинг энг яхши амалиётлари, замонавий маркетинг воситалари ва брендни янада ривожлантириш режаларини муҳокама қилдилар. Мижозларга хизмат кўрсатиш сифатини ошириш, жараёнларни рақамлаштириш ҳамда бренд ва дилерлик марказлари ўртасидаги узоқ муддатли ҳамкорликни мустаҳкамлашга алоҳида эътибор қаратилди.

Конференция давомида бренднинг FIFA World Cup 2026™ даги иштироки ҳам қайд этилди. Бу Kia халқаро бренд стратегиясининг муҳим қисми ҳисобланади ҳамда глобал ва маҳаллий бозорларда, шу жумладан Ўзбекистонда кенг қамровли коммуникация ва маркетинг тадбирлари билан бирга олиб борилади.

Алоҳида блок сифатида Ўзбекистон автомобиль бозорининг асосий сегментларида бренд мавқеини янада мустаҳкамлашга қаратилган Kia моделлар қаторини 2026 йилда кенгайтириш стратегияси тақдим этилди. Тақдимот доирасида Kia’нинг иккинчи CKD модели Ўзбекистон бозорига чиқарилиши ҳам эълон қилинди.

“2025 йил якунлари Kia компаниясининг Ўзбекистондаги ривожланиш стратегияси барқарор ва самарали эканлигини тасдиқлайди. Эришилган натижалар жамоа, дилерлар ва мижозларимизнинг ишончли ҳамжиҳатликдаги фаолияти натижасидир. 2026 йилда биз дилерлик тармоғини янада ривожлантириш, сервис хизмат кўрсатиш даражасини ошириш ва бозорга замонавий ва рақобатбардош автомобилларни таклиф этишга эътибор қаратамиз”, дейди Kia брендининг Ўзбекистондаги директори Георгий Шония.

Конференция доирасида 2025 йил якунлари бўйича Kia’нинг энг яхши дилерлик марказларини тақдирлаш маросими ҳам бўлиб ўтди. Мукофотлар сотув, мижозларга хизмат кўрсатиш, маркетинг фаолияти ва ривожланиш динамикаси бўйича юқори натижаларни кўрсатган дилерларга топширилди. “Йил дилери” номинациясида Kia Kibray дилерлик маркази ғолиб деб топилди. Мукофот сифатида дилерга Premium комплектациясидаги Kia K5 автомобили совға қилинди.

Kia Dealer Conference 2026 ўтказилиши бренднинг Ўзбекистонда узоқ муддатли ривожланишга, ҳамкорлар билан очиқ мулоқотга ва барқарор дилерлик экотизимини шакллантиришга йўналтирилганлигини тасдиқлаш имконини берди.

Телефон: +998555008333

Сайт | Facebook |  Instagram |  Telegram | YouTube

Реклама ҳуқуқи асосида