Опасини зўрлаб ўлдирганликда айбланаётган ука ҳибсга олинди 

Жорий йилнинг 27 апрель куни АҚШда “Carnival Cruise” кемасида 16 ёшли ўсмир 18 ёшли ўгай опасини зўрлаб ўлдирганликда айбланиб, ҳибсга олинди. Бу ҳақда АBC News хабар берди.
 
Маълум бўлишича, 18 ёшли Анна Кепнер 2025 йил ноябрь ойида оиласи, жумладан, Хадсон билан “Carnival Horizon” кемасида саёҳат қилган. Кема Флоридага қайтиши режалаштирилганидан cўнг унинг жасади Хадсон ва бошқа бир ўсмир билан бирга яшаган хонадаги каравот остидан топилган. 

Хабарга кўра, Анна Кепнернинг ўлимига механик асфиксия, яъни бирор нарса ёки жисмоний куч ёрдамида нафас олишнинг тўхтатиб қўйилиши сабаб бўлгани аниқланган. Кепнернинг отаси Кристофер Кепнер бу бўйича баёнот бериб, оила ҳақиқатни эҳтиёткорлик ва ҳалоллик билан излаш учун адлия тизимига ишонаётганини айтган.

АҚШ округ судьяси Бэт Блумнинг жорий йил 27 апрель куни чиқарган қарорига кўра, Тимоти Хадсоннинг (биринчи даражали қотиллик ва оғирлаштирувчи жинсий зўравонлик айбловлари бўйича) суд жараёни 1 июнь куни Майамида бошланади. 

Қайд этилишича, 16 ёшли ўсмир дастлаб вояга етмаган сифатида айбланган. Гумонланувчи ўтган ҳафтада айбсизлигини ёзма равишда тан олган. Шунингдек, вояга етмаганлар федерал судда камдан кам ҳолларда жиноий жавобгарликка тортилиши таъкидланган. 

Маълумот учун, Анна Кепнер Орландодан тахминан 65 километр шарқда жойлашган Флорида штати Тайтусвилл шаҳридаги Темпл Христиан (Temple Christian School) мактабида ўқиган. У ўрта мактабда "чирлидер" (қувноқлар лидери) бўлган.

Шаҳзода Шукуруллаева