Оярсабаль ЖЧ тарихида ўзига хос антирекорд қайд этди
Спорт
−
16 Июнь 1593 1 дақиқа
Испания терма жамоаси ҳужумчиси Микель Оярсабаль Жаҳон чемпионатлари тарихида ўзига хос антирекордни қайд этди. Бу ҳақда Opta статистика платформаси хабар берди.
Маълум қилинишича, Испаниянинг 2026 йилги Жаҳон чемпионатидаги Кабо-Вердега қарши илк учрашувида Оярсабаль ўйиннинг дастлабки 30 дақиқаси давомида бирор марта ҳам тўпга тегмаган. Шу тариқа, у мундиаллар тарихида бундай натижа қайд этган биринчи футболчига айланган.
29 ёшли ҳужумчи Испания миллий терма жамоаси сафида ҳозиргача 54 та учрашувда майдонга тушиб, 25 та гол урган. У клуб миқёсида “Реал Сосьедад” шарафини ҳимоя қилади.
Маълумот учун, Испания терма жамоаси мундиалнинг илк учрашувида Жаҳон чемпионати дебютанти Кабо-Верде билан 0:0 ҳисобида дуранг ўйнади. Эндиликда испанлар гуруҳ босқичидаги кейинги учрашувларини Саудия Арабистони (21 июнь) ва Уругвай (27 июнь)га қарши ўтказади.
Live
Барчаси
