Переснинг сирли трансфери ким экани маълум бўлди
Спорт
−
05 Июнь 3024 1 дақиқа
Мадриднинг “Реал” клуби президенти Флорентино Перес келаси ҳафта “Бавария” футболчиси Майкл Олисе трансфери учун 150 миллион евро таклиф қилади. Бу ҳақда инсайдер Фабрицио Романо хабар берди.
Аввалроқ, “қироллик клуби” раҳбари жорий йилнинг 9 июнь куни клуб тарихидаги энг йирик трансфер таклифини билдиришини айтган эди. Бироқ Перес бу футболчи Олисе эмаслигини таъкидлаган.
Манбага кўра, француз футболчисининг эҳтимолий трансфери осон кечмайди, чунки “Бавария”га футболчиларни сотишдан тушадиган маблағ керак эмас.
Ўтган мавсумда Олисе барча мусобақаларда 52 та ўйинда иштирок этиб, 22 та гол урди ва 31 та голли узатмани амалга оширди.
Футболчининг клуб билан шартномаси 2029 йилнинг ёзигача амал қилади. “Transfermarkt” маълумотига кўра, унинг бозор қиймати 150 миллион еврога тенг.
Live
Барчаси
