Путин билан “хоҳлаган пайтим” гаплашишим мумкин – Трамп

АҚШ Президенти Дональд Трамп Россия Президенти Владимир Путин билан Украинадаги вазиятни “хоҳлаган пайтида” муҳокама қилишни режалаштираётганини маълум қилди. Бу ҳақда Оқ уй раҳбари “Politico” нашрига берган интервьюсида сўз очди.

Унинг сўзларига кўра, суҳбат “яхши ўтади”, худди шу тарзда 28 декабрь куни Флорида штатида бўладиган Украина Президенти Владимир Зеленский билан учрашув ҳам самарали ўтади.
Трамп таъкидлашича, украиналикларнинг тинчлик режаси унинг розилигисиз “ҳеч нарсага эга эмас”. У, шунингдек, Россия иқтисодиёти жуда қийин аҳволда эканини қайд этган.

Зеленский ва Трамп учрашуви 28 декабрга режалаштирилган бўлиб, олдиндан Европа етакчиларининг иштирокида телефон конференцияси ўтказилади, бу орқали музокараларни мувофиқлаштириш назарда тутилган.

Эслатиб ўтамиз, 24 декабрда Зеленский 20 бандли тинчлик режасини эълон қилган, унда қуйидагилар киритилган: ҳужум қилмаслик бўйича келишув, Киевга хавфсизлик кафолатлари, тинч вақт давомида Украин ҳарбий кучлари сони – 800 минг аскар, имкон қадар тез сайловларни ўтказиш, қамоқдагиларни алмаштириш ва фуқароларни қайтариш, шунингдек, Украинани белгиланган муддат ичида Европа Иттифоқига аъзо қилиш.

Украина Президенти режанинг 90 фоизи тайёрлигини айтган, энг мураккаб масала эса ҳудудий муаммо. Зеленский ҳужжатни референдума қўйишга тайёр, агар Россия камида 60 кунлик тинчликка рози бўлса, шунда овоз бериш мумкин бўлади.

Кремль маълумотига кўра, улар режа материалларини ўрганмоқда ва кейинчалик хабар берилади.