Тожикистон ўз ҳудудида Россия билан қўшма ҳарбий машғулотлар ўтказмоқда
Олам
−
15 Апрель 3644
Россия ва Тожикистон Қуролли кучларининг қўшма икки томонлама ўқув машғулотлари бошланди. Бу ҳақда Россия Мудофаа вазирлиги маълум қилди.
Машғулотларнинг очилиш маросими Тожикистоннинг Хатлон вилоятидаги Харб-Майдон тоғ-чўл полигонида бўлиб ўтган. Икки томонлама қўшма машғулотлар 15-18 апрель кунлари бўлиб ўтади.
“Ўқув машғулотлари давомида икки давлат ҳарбий контингенти террористик тўдаларни йўқ қилиш учун Қуролли Кучлардан фойдаланишни ташкил этиш, тоғли ерларда белгиланган вазифаларни бажариш учун ўқув бўлинмаларини тайёрлаш, шунингдек, давлат чегарасини қоплаган ҳолда бўлинмаларни назорат қилиш ва бостириб кирган ноқонуний қуролли гуруҳларни йўқ қилишни машқ қилади”, дейилади хабарда.
Вазирлик маълумотларига кўра, Россия ҳарбий контингентининг асосини Марказий ҳарбий округнинг 201-сонли Россия ҳарбий базаси бўлинмалари – тоғ, моторли милтиқ, танк, артиллерия, разведка бўлинмалари, шунингдек, Ми-24 ҳужум вертолётлари ва Ми-8МТВ5-1 транспорт ва жанговар вертолётларда авиация гуруҳи экипажлари ташкил этади. Бундан ташқари, машғулотларга радиациявий, кимёвий ва биологик ҳимоя, учувчисиз самолётлар ва мобил электрон уруш гуруҳлари мутахассислари жалб этилади.
Эслатиб ўтамиз, Ўзбекистон, Қозоғистон, Қирғизистон, Тожикистон ва Озарбайжон жорий йилнинг июль ойида “Бірлестік-2024” қўшма тезкор-тактик қўмондонлик-штаб ўқув машғулотларини ўтказиши айтилганди.
Live
Барчаси
