Трампнинг “арзанда”лари Қозоғистондаги йирик лойиҳага пул тикди

АҚШ Президенти Дональд Трампнинг ўғиллари – Эрик Трамп ва кичик Дональд Трамп Қозоғистондаги вольфрам қазиб олиш лойиҳаси билан боғлиқ компанияда улушга эга бўлди. Бу ҳақда манбаларга таяниб, “Financial Times” нашри хабар берди.

Газета маълумотига кўра, ака-ука Трамп 2025 йил август ойида Skyline Buildersқурилиш гуруҳидан улуш сотиб олган. Кейинчалик бир қатор битимлар орқали Skyline Kaz Resources компаниясининг 20 фоизига эга бўлган. Мазкур компания Cove Capital инвестиция гуруҳи билан боғлиқ.

Шундан сўнг Kaz Resources ҳамда Қозоғистондаги лойиҳаларни назорат қилувчи Cove Kaz Capital Cove Kaz Capital Skyline билан бирлаштирилган.

Янги тузилма Kaz Resources бренди остида Nasdaq биржасида акцияларни оммавий жойлаштиришни режалаштирмоқда.

Нашрнинг ёзишича, ўтган йили US Export-Import Bank ва US International Development Finance Corporation Қозоғистонда вольфрам қазиб олиш лойиҳаларини қўллаб-қувватлаш учун 1,6 миллиард долларгача маблағ ажратишни маъқуллаган. Ушбу лойиҳаларнинг 70 фоиз назорат пакети Cove Kaz Capital таркибига тегишли.

Трампнинг кичик ўғлини айтишича, у ушбу лойиҳада пассив инвестор ҳисобланади – операцион фаолиятда иштирок этмайди ва сармоя киритган компаниялар манфаатлари учун АҚШ федерал органлари билан алоқага чиқмайди.

Эслатиб ўтамиз, 2025 йилнинг ноябрь ойида “Марказий Осиё – АҚШ” (С5+1) саммити бўлиб ўтган бўлиб, унда Қозоғистон, Ўзбекистон, Туркманистон, Тожикистон ва Қирғизистон етакчилари иштирок этган.

Қосим-Жомарт Тўқаев матбуот хизмати маълумотига кўра, 7 ноябрь куни АҚШ томони билан музокаралар якунида Тўқаев ва Трамп умумий қиймати 17 миллиард доллардан ортиқ бўлган тижорат битимларини имзолаган. Улар орасида вольфрам қазиб олиш ҳақида ҳам ҳужжатлар бор эди.