Ўзбекистонда бир йил ичида қанча хотин-қизлар магистр даражасини олди?

Ўзбекистонда 2022-2023 ўқув йилида олий таълим ташкилотларининг магистратура йўналишини 7 918 нафар хотин-қизлар битирган. Бу ҳақда Статистика агентлиги хабар берди.

Қайд этилишича, энг кўп 2 359 нафар хотин-қиз таълим йўналишида магистр дипломини олган. Кейинги ўринлар эса қуйидагича:

• санъат ва гуманитар фанларда – 1 768 нафар;
• табиий фанлар, математика ва статистикада – 885 нафар;
• муҳандислик, ишлов бериш ва қурилиш соҳаларида – 731 нафар;
• бизнес, бошқарув ва ҳуқуқда – 620 нафар;
• ижтимоий фанлар, журналистика ва ахборотда – 543 нафар;
• соғлиқни сақлаш ва ижтимоий таъминотда – 392 нафар;
• қишлоқ, ўрмон, балиқчилик хўжалиги ва ветеринарияда – 265 нафар;
• хизматларда – 179 нафар;
• ахборот-коммуникация технологияларида – 176 нафар аёл-қизлар магистр даражасини олган.

Эслатиб ўтамиз, аввалроқ 2022-2023 ўқув йилида ОТМларнинг бакалавриатига қабул қилинган хотин-қизларнинг соҳалар бўйича сони қанча эканлиги ҳақида хабар берган эдик.