“Вақти келди”. Трамп Украинада сайлов ўтказишга чақирди

Украинада янги сайловлар ўтказиш вақти келди. Бу ҳақда АҚШ Президенти Дональд Трамп “Politico” нашрига берган интервьюсида сўз очди.

“Украина раҳбарияти урушдан сайлов ўтказмаслик учун фойдаланяпти. Аммо, менимча, украин халқида танлов бўлиши керак. Эҳтимол, Президент Владимир Зеленский ғолиб бўлади, билмайман. Ким ғолиб бўлишини мен айта олмайман. Аммо улар узоқ вақтдан бери сайлов ўтказгани йўқ. Биласизми, улар демократия ҳақида гапиришади, аммо бу аллақачон демократия бўлмай қолган ҳолатга яқинлашмоқда”, деган Трамп. 

Маълумот учун, Украинада президентлик сайловлари 2024 йил март охирида бўлиши керак эди, аммо ҳарбий ҳолат туфайли ўтказилмади. 

АҚШнинг дастлабки тинчлик режаси бўйича Украина тинчлик келишувига эришилгандан 100 кун ўтиб сайлов ўтказиши керак эди.

Эслатиб ўтамиз, аввалроқ Украина Президенти Владимир Зеленский мамлакат президентлик сайловларинни 2-3 ой ичида ўтказишга тайёр бўлиши ҳақида айтганди. У, шунингдек, сайловларга тайёр экани, ҳокимият курсисига ёпишиб олмаганини ҳам қўшимча қилган.