Дембеле кетма-кет иккинчи мавсумда Францияда энг яхши футболчи деб топилди

Профессионал футболчилар миллий иттифоқи (UNFP) “Пари Сен-Жермен” ҳужумчиси Усмон Дембеле кетма-кет иккинчи мавсумда Франция 1-лигасининг энг яхши футболчиси деб топилди. Бу ҳақда “L’Équipe” нашри хабар берди.

Дембеленинг жамоадоши Дезире Дуэ эса, кетма-кет иккинчи йил энг яхши ёш футболчи мукофотига сазовор бўлди.

“Ланс” бош мураббийи Пьер Саж мавсумнинг энг яхши мураббийи деб топилди ва бу борада ПСЖ устози Луис Энрикени ортда қолдирди. “Ланс” дарвозабони Робин Риссер эса мавсумнинг энг яхши посбони бўлди.

Шунингдек, “Бавария” ярим ҳимоячиси Майкл Олисе хорижда ўйнаётган энг яхши француз футболчиси номинациясида “Реал Мадрид” ҳужумчиси Килиан Мбаппени ортда қолдирди.

Лига 1 мавсумининг рамзий жамоаси қуйидагича кўриниш олди:

• Дарвозабон: Робин Риссер (“Ленс”)
• Ҳимоячилар: Нуну Мендес, Вильян Пачо, Ашраф Хакими (барчаси — ПСЖ), Маланг Сарр (“Ланс”)
• Ярим ҳимоячилар: Витинья (ПСЖ), Мамаду Сангаре (“Ланс”), Корентен Толиссо (“Лион”)
• Ҳужумчилар: Мейсон Гринвуд (“Марсель”), Флорьян Товен (“Ланс”), Усман Дембеле (ПСЖ).