“Олмалиқ КМК” АЖ Sustainable Fitch рейтингида янада юқорилади

2026 йил 24 февраль куни халқаро Sustainable Fitch агентлиги Олмалиқ кон-металлургия комбинатининг барқарор ривожланиш рейтингини (Entity Rating) “3” даражасида тасдиқлади. Шу билан бирга, компаниянинг умумий баҳолаш кўрсаткичи (entity score) 56 баллдан 59 баллга оширилди. 

Бу ижобий натижа комбинатда барқарор ривожланиш стратегияси изчил такомиллаштирилаётгани, ижтимоий, бошқарув ва экология соҳаларида муҳим ютуқларга эришилаётганини кўрсатади. Шунингдек, кон-металлургия саноатига хос бўлган атроф-муҳитни муҳофаза қилиш билан боғлиқ масалаларни ҳал этиш бўйича олиб борилаётган ишлар ҳам ижобий баҳоланган. 

Sustainable Fitch экспертларига кўра, Олмалиқ кон-металлургия комбинатида корпоратив бошқарув тизими мустаҳкам йўлга қўйилган. Хатарларни бошқариш тизимининг самарали ишлаши, солиқ мажбуриятларининг виждонан бажарилиши ҳамда кадрлар қўнимсизлигининг паст даражада экани алоҳида таъкидланган. 

Шунингдек, рейтингнинг ошиши, ҳатто тармоқнинг мураккаб ва ўзига хос жиҳатларига қарамай, компания томонидан ESG (экология, ижтимоий масъулият ва корпоратив бошқарув) кўрсаткичларини яхшилаш бўйича амалга оширилаётган чора-тадбирлар самарали эканини кўрсатади.

Реклама ҳуқуқи асосида