“Салоҳ ёрдам бермаяпти”. Руни “Ливерпуль”ни катта қарорга чақирмоқда

“Манчестер Юнайтед”нинг собиқ ҳужумчиси Уэйн Руни Премьер-лига жамоаси “Ливерпуль” бош мураббийи Арне Слотга жамоа ҳужумчиси Муҳаммад Салоҳни истеъфога чиқаришни кўриб чиқиши кераклигини айтди. Бу ҳақда BBC хабар берди.

“Агар мен Слотнинг ўрнида бўлганимда, жамоанинг қолган ўйинчилари учун катта қарор қабул қилган бўлардим. Салоҳ уларга ҳимояда ёрдам бермаяпти. Агар сиз захира ўриндиғида бўлсангиз ва унинг югурмаётганини кўрсангиз, бу сизда қандайдир савол пайдо қилади”, дейди Руни.

Жорий йилнинг 22 ноябрь куни “Ливерпуль” ўз майдонида “Ноттингем Форест”дан 0:3 ҳисобида мағлуб бўлди. Ёзги трансферлар, жумладан, Флориан Вирц ва Александер Исакнинг келиши билан бирга 241 миллион фунт стерлинг сарфланган “қизиллар” бу мавсумда қийинчиликка дуч келмоқда. Жамоа ҳозирда 12 ўйиндан сўнг 18 очко билан турнир жадвалида 11-ўринда бормоқда.

“Слотда уларни ўйинга қайтариш ва ғалаба қозониш учун катта вазифа бор. Энг муҳими, бундай пайтларда Клоппнинг номи доимо тилга олинади. Слот Юрген Клопп каби эмас. Шундай бўлса-да, мухлислар ундан орқада қолмасликни доим талаб қилади”, дейди Руни.

Маълумот учун, 33 ёшли Салоҳ ўтган мавсумда Премьер-лигада энг кўп гол ва ассист билан мавсумнинг энг яхши футболчиси совринини қўлга киритган ва жамоаси билан чемпионликни нишонлаган эди. Ҳозирда унинг жамоаси сўнгги 7 лига ўйинида фақат 1 та ғалаба қозонишга муваффақ бўлган.