Qirg‘izistonda Milliy xavfsizlik orqali ishni hal qilib berishni aytgan firibgar ushlandi

Kecha, 6 fevral kuni Qirg‘izistonning Jalolobod viloyatida mamlakatning maxsus xizmat xodimlari Iskandar Hamroqulov ismli shaxsni firibgarlikda gumon qilib qo‘lga oldi. Bu haqda “24.kg” xabar berdi.

Nashrga ko‘ra, u Milliy xavfsizlik davlat qo‘mitasining Jalolobod viloyati bo‘yicha hududiy boshqarmasi rahbariyati bilan yaqin aloqada bo‘lganini aytib, fuqarolarni noto‘g‘ri yo‘lga boshlagan, huquqni muhofaza qiluvchi va sud organlari tomonidan jinoyat ta’qibiga doir masalalarni hal etishda vositachilik xizmatlarini taklif qilgan.

Xususan, o‘tgan yilning oktyabr oyida Jalolobod viloyati xavfsizlik xizmati xodimlari Qorako‘l shahar hokimligining kommunal mulkidan yer uchastkalarini noqonuniy olib qo‘yishda ayblangan D.N.D. ismli shaxs uning hiylasiga tushib qolgan. Vaziyatdan foydalanib, Iskandar Hamroqulov “o‘z aloqalari”ni nazarda tutib, ayblanuvchining yaqinlaridan ehtiyot chorasini o‘zgartirib, jinoiy ta’qibni tugatish uchun 15 ming AQSH dollarini olgan. Biroq u pullarni o‘zlashtirib yuborgan va yetkazilgan zararni D.N.D. qoplagan, shundan so‘ng uning ishi sudga yuborilgan.

2024 yilning noyabr oyida gumonlanuvchi 4 yillik qamoq jazosini o‘tayotgan A.Ya.I.ni aldagan. Unga sud tomonidan jazoni 1 million 287 ming somga o‘zgartirishini va’da qilgan. Birinchi holatda bo‘lgani kabi, H.I. Milliy xavfsizlik davlat qo‘mitasi Jalolobod viloyati boshqarmasi rahbari bilan aloqalari haqida gapirib, yuqorida ko‘rsatilgan summani olishga muvaffaq bo‘lgan. Ayni paytda gumonlanuvchi hibsga olingan.

Eslatib o‘tamiz, joriy yilning 2 fevral kuni Qirg‘izistonda reklama bannerlariga ichki ishlar idoralari rahbarlarining suratlarini qo‘yib, ularni internetda tarqatgan shaxs ushlangandi. Gumonlanuvchining vaqtinchalik yashash joyini ko‘zdan kechirish chog‘ida naqd pullar, routerlar, bank kartalari, uyali aloqa kompaniyalarining 90 dan ortiq SIM-kartalari, SimBox uskunasi topilib, olib qo‘yilgan.