Superliga markaziy uchrashuvida nursiz durang qayd etildi

Kecha, 4 may kuni O‘zbekiston Superligasining 11-turidan o‘rin olgan so‘nggi uchrashuvlar bo‘lib o‘tdi. Turning markaziy uchrashuvida Qarshining “Nasaf” va Namanganning “Navbahor” jamoalari o‘zaro bahs olib bordi va nursiz durang qayd etdi.

Jizzax shahrida bo‘lib o‘tgan uchrashuvda tomonlar 90 daqiqa o‘z darvozasi daxlsizligini saqlab qoldi. Ushbu natijadan so‘ng, “Navbahor” 20 ochko bilan turnir jadvalining 4-pog‘onasini egallab turibdi. Temur Kapadze boshqaruvidagi jamoa Buxoro bilan bir xil ochko jamg‘argan holda ushbu pog‘onani band etgan. “Nasaf” esa, 14 ochko bilan 9-o‘ringa joylashgan.

Ushbu tur yakunidan keyin Superligada uzoq muddatli tanaffus yuzaga keldi. Endilikda mavsumning qolgan qismi Jahon chempionatidan keyin davom etadi. 

Ma’lumot uchun, ayni damda Superliga turnir jadvalida Farg‘onaning “Neftchi” jamoasi 28 ochko bilan yetakchilikni saqlab turibdi. Ikkinchi o‘rinda esa, 26 ochko bilan poytaxtning “Paxtakor” jamoasi borayotgan bo‘lsa, kuchli uchlikni 20 ochko bilan “Buxoro” egallab turibdi.