HONOR халқаро кўргазмада янги смартфонларини тақдим этди

Бизнес

−

26 Февраль visibility6342

2024 йил 25 февралда HONOR глобал технологик бренди МWC 2024 (Mobile World Congress) халқаро кўргазмасида янги кенг қамровли стратегияни тақдим этди. Бренд дунёга ўз инновацияларини тақдим қилди ва сунъий интеллект даврини бошлаб берувчи брендлар билан ҳамкорлик қилишга тайёрлигини билдирди.

МWC 2024 кўргазмасида HONOR компанияси HONOR Magic6 Pro, HONOR MagicBook Pro 16 ва PORSCHE DESIGN HONOR Magic V2 RSR ноёб букланадиган телефони чиқарилишини эълон қилди. Ҳар бир гаджет HONOR сунъий интеллекти билан жиҳозланган.

"Биз сунъий интеллект даврига ўтаётганимизда, HONOR истеъмолчиларимизнинг эҳтиёжларини қондириш учун узлуксиз тажрибаларни таъминлайдиган, инсонга йўналтирилган инновацияларни тақдим этишга интилади. Биз сунъий интеллект асосида ишлайдиган янги HONOR смартфони ва шахсий компьютерларнинг глобал сотувга чиқарилишини эълон қилишдан хурсандмиз, улар инсон ва қурилма ўртасидаги ўзаро таъсир чегараларини бузиб, соҳадаги етакчи сунъий интеллект имкониятлари билан фойдаланувчи тажрибасида чинакамига инқилоб қилади", дейди Жорж Чжао, HONOR Device Co. бош директори.

HONOR Magic6 Pro билан сунъий интеллект сеҳрини кашф этинг!

HONOR Magic Series нинг янги модели бўлмиш HONOR Magic6 Pro нуфузли флагмани фотография, дисплей, ишлаш ва сунъий интеллектдан фойдаланиш тажрибасида ютуқларга эга. Инсонга йўналтирилган инновацияларга содиқ ҳолда, HONOR ўз Android операцион тизимининг сўнгги версияси бўлган MagicOS 8.0 ни тақдим этди, у HONORнинг тўлиқ платформа даражасидаги сунъий интеллект имкониятларини тақдим этади. HONOR фойдаланувчи тажрибасида инқилоб қилмоқда ва одамларнинг ақлли қурилмалари билан алоқада бўлишлари учун янги, кўп моделли усулларни тақдим этмоқда.

Magic Capsule ва Magic Portal билан жиҳозланган HONOR Magic6 Pro фойдаланувчиларга мослаштирилган ва интуитив даражада тушунарли интерфейс тақдим этади. Экран юқори қисмидаги билдиришнома баннерини босиш орқали параметрлар ойнаси кенгаяди ҳамда қўшимча маълумот ва керакли жойга тезкор киришни таклиф қилади. Magic Portal нинг сунъий интеллекти матнли хабарлардаги манзилларни тезда танийди ва қулай навигация учун фойдаланувчиларни Google Хариталарга йўналтиради. Экран TikTok ва Facebook каби ижтимоий тармоқлар учун ҳам маълумотларга кириш ва алмашишни осонлаштиради, бу эса фойдаланувчиларга биргина суриш орқали онлайн қидирув натижаларини йўналтириш имконини беради. Бундан ташқари, Magic Portal фойдаланувчиларни ўз маҳсулотларини топиш ва сотиб олишлари мумкин бўлган платформаларга муаммосиз йўналтириш орқали тасвирга асосланган харидларни соддалаштиради.

Ҳамкорлар ва илова ишлаб чиқувчилари билан ҳамкорлик қилиш орқали Magic Portal бутун дунё бўйлаб энг кўп ишлатиладиган 100 дан ортиқ иловаларни қўллаб-қувватлайди ва фойдаланувчиларга бир нечта платформаларда узлуксиз ишлашни тақдим этади.

Энг кутилмагани — Porsche билан ҳамкорлик

HONOR кўргазмада Porsche Design компанияси ДНКсини ўзида мужассам этган букланадиган Porsche Design HONOR Magic6 RSR смартфонини расман тақдим этди. Янги смартфон ўз ҳамкорининг тезкор автомобилларини эслатувчи дадил дизайни ва Porsche пойга автомобили эстетикасини эслатувчи марказлаштирилган юқори унумдор камераси билан ҳайратда қолдиради.

Тез орада смартфон ҳақида батафсил тўхталамиз.

Яна бир янгилик — HONOR MagicBook Pro 16 ноутбуки

HONOR шунингдек, HONOR MagicBook Pro 16 ноутбукини сотувга чиқарди. Сунъий интеллектга асосланган иш фаолиятини яхшилаш HONOR смартфонлари, шахсий компьютерлари ва планшетлари ўртасида билдиришномаларни алмашиш ва контентни синхронлашни осонлаштиради. Бу керакли фотосуратлар, видеолар ва бошқа файлларни узатиш учун максимал қулайликни таъминлайдиган MagicRing туфайли имконлидир.

Энг сўнгги маҳсулот — HONOR Pad 9

Бренднинг яна бир янги маҳсулоти HONOR Pad 9 планшетидир. У 2,5К ўлчамига ва 120 Гц янгиланиш частотасига эга ажойиб 12,1 дюймли HONOR FullView дисплейига, саккиз динамикли аудио тизимига ва ўрнатилган HONOR Histen аудио созлаш технологиясига эга. HONOR Pad 9 — ажойиб фойдаланиш қулайлиги ва ўзига хос дизайнга эга планшет.

Янги маҳсулотларнинг мавжуд ранглари

HONOR Magic6 Pro замонавий услуб ва жозибадорликни ёқтирувчи фойдаланувчилар учун мўлжалланган. Смартфон қора ва тўқ яшил рангларда тақдим этилади.

Porscheнинг машҳур автомобилларига ҳурмат бажо келтирган ҳолда, Porsche Design HONOR Magic V2 RSR смартфони Agate Grey рангида сотувга чиқарилади.

HONOR MagicBook 16 Pro ноутбуки оқ ва тим қора рангларда сотувга чиқарилади.

HONOR Pad 9 планшети иккита рангда тақдим этилади: “космик кулранг” ва “мовий кўл”.

Гаджетлар нархлари ва Ўзбекистон бозорига келиши ҳақида батафсил тез орада билиб оламиз, ҳозирча эса бренд учун хурсанд бўлишимиз ҳамда ишлаб чиқувчиларга бир жойда турмагани ва қурилмаларимиз учун янги инновацион ечимларни таклиф қилгани учун миннатдорчилик билдиришимиз мумкин.

HONOR компанияси ҳақида

HONOR – ақлли қурилмаларни етказиб бериш бўйича дунёда етакчи. Компания глобал технология брендига айланишни ҳамда кучли маҳсулот ва хизматлар орқали ҳар бир фойдаланувчи учун ақлли тажрибаларнинг янги дунёсини яратишни мақсад қилган. Янги тадқиқот ва технологиялардан фойдаланган ҳолда, компания бутун дунё бўйлаб одамларга одатий чегаралардан чиқиб, янада кўпроғига эришиш эркинлигини берадиган технологияларни ишлаб чиқади. HONOR инновацион, премиум маҳсулотлари ҳар бир бюджетга мос келадиган юқори сифатли смартфонлар, планшетлар, ноутбуклар ва бошқа қурилмаларнинг кенг танловини таклиф этади.