Царукяннинг UFC'даги охирги жангидан қанча фойда кўргани аниқ бўлди
Спорт
−
19 Апрель
4291Ultimate Fighting Championship'нинг (UFC) россиялик жангчиси Арман Царукян бразилиялик Чарльз Оливейрага қарши жангдан 300 минг доллар ишлаб олди. Бу ҳақда ТАСС хабар берди.
Манбага кўра, Оливейрага қарши жанг Арманнинг янги шартномаси бўйича иккинчи тўқнашуви бўлган ва у баҳсдан 300 минг доллар фойда кўрган.
27 ёшли Арман Царукян UFC 300'да 34 ёшли Оливейрани ҳакамлар қарорига кўра 2:1 ҳисобида мағлуб этди. Царукян шу вақтга қадар MMA'да 25 та жанг ўтказиб 22 марта ғалаба қозонган ва 3 марта мағлубиятга учраган.
Эслатиб ўтамиз, аввалроқ яна бир россиялик UFC жангчиси Ислом Махачевнинг америкалик Дастин Порьега қарши жанги ташкилот томонидан тасдиқлангани хабар қилинганди.
LiveБарчаси