Mart oyida kutilayotgan ob-havo ma’lumoti e’lon qilindi
Jamiyat
−
19 fevral 113140
Joriy yilning mart oyida havo harorati tez ko‘tarila boshlaydi: o‘rtacha havo harorati fevralga nisbatan 5-6 daraja, shimolda esa 7-8 daraja yuqori bo‘ladi. Bu haqda O‘zgidromet ma’lumot berdi.
Jahon prognozlash markazlarining dastlabki hisob-kitoblariga ko‘ra, mart oyi nisbatan salqin bo‘lishi taxmin qilinmoqda. O‘rtacha oylik havo harorati me’yordan 1-2 darajaga past, ba’zi joylarda me’yor atrofida bo‘lib, 4-9 darajani, janubda 10-11 darajani tashkil etadi.
Oy davomida harorat kechalari -0/-5 darajadan 5-10 darajagacha, kunduz kunlari 5-10 darajadan 17-22 darajagacha, janubda 20-25 darajagacha keskin o‘zgarib turishi kutilmoqda.
Shuningdek, Respublika hududining katta qismida oylik yog‘ingarchilik miqdori me’yor atrofida, ba’zi joylarda undan ko‘p bo‘lishi prognoz qilinmoqda.
