“Real” hujumchisiga Saudiya klublari qiziqish bildirmoqda
Sport
−
24 aprel 1687
“Real” hujumchisi Xoselu mavsum oxirida Yaqin Sharqqa ko‘chib o‘tishi mumkin. Bu haqda “Marca” xabar berdi.
Huquqlari Kataloniyaning “Espanol” klubiga tegishli bo‘lgan 34 yoshli ispaniyalik futbolchiga Saudiya Arabistoni klublari qiziqish bildirmoqda.
Shu bilan birga, madridliklar Xoseluni 1,5 million yevroga sotib olish imkoniyatiga ega, “Real” bosh murabbiyi Karlo Anchelotti esa hujumchini klubda qolishini istayapti, biroq kelasi mavsumda “qaymoqranglilar” safiga Kilian Mbappe va Endrikning kelishi tufayli Xoselu jamoadan ketishi mumkin.
Joriy mavsumda 42 o‘yinda 13 ta gol urgan Xoseluning o‘zi ham “Real”da qolishni xohlayapti.
Eslatib o‘tamiz, avvalroq Killian Mbappe “Real”ga o‘tish uchun o‘zining odatiy pozitsiyasida o‘ynamaslikka tayyorligi xabar qilingandi.
Live
Barchasi
