2025 йилда ўзбекистонликлар қанча дам олади?

2025 йилда ўзбекистонликлар қанча дам олиш кунига эга бўлиши маълум қилинди. Камбағалликни қисқартириш ва бандлик вазирлиги келаси йил учун иш вақтининг давомийлиги тақвимини тасдиқлади.

Ҳужжат барча ташкилотларга тааллуқли бўлиб, у байрам кунларининг, шу жумладан диний байрамларнинг саналарини тасдиқлайди:

• 1 январь — Янги йил;
• 8 март — Хотин-қизлар куни;
• 21 март — Наврўз;
• 31 март — Ийд ал-Фитр (Рамазон ҳайити)нинг биринчи куни;
• 9 май — Хотира ва қадрлар куни
• 7 июнь — Ийд ал-адҳа (Қурбон ҳайити)нинг биринчи куни.
• 1 сентябрь — Мустақиллик куни;
• 1 октябрь — Ўқитувчи ва мураббийлар куни;
• 8 декабрь — Конституция куни.

Шунингдек, шанба ёки якшанбага тўғри келган байрамлар муносабати билан қўшимча дам олиш кунлари берилади. 2025 йилда 8 март — Халқаро хотин-қизлар куни шанбага тўғри келиши муносабати билан дам олиш куни 10 март, душанбага кўчирилади. Қурбон ҳайитининг биринчи куни 9 июнь, шанбага тўғри келади, шу сабабдан дам олиш куни 9 июнь, душанбага кўчирилади.

Эслатиб ўтамиз, аввалроқ ўзбекистонликлар Янги йил байрамида неча кун дам олиши ҳақида маълум қилинганди.