АҚШ Қатардан ҲАМАС етакчиларини чиқариб юборишни сўради
Олам
−
06 Май 3811
АҚШ Қатарга агар гуруҳ Исроил билан сулҳ битимини рад этишда давом этса, ҲАМАС етакчиларини чиқариб юбориши кераклигини айтди. Бу ҳақда АҚШ расмийларига таяниб, The Washington Post нашри хабар берди.
Қайд этилишича, АҚШ Давлат котиби Энтони Блинкен бу ҳақда апрель ойида қатарлик мавқедоши ал-Танига айтган. Амирлик расмийлари ҲАМАСнинг сиёсий раҳбариятига кетишга мажбур бўлган тақдирда захира режасини ишлаб чиқишни маслаҳат берган.
“Доҳада ҲАМАСга босим ўтказиш самарасиз. Муаммо шундаки, қарор қабул қилувчилар Ғазода ва улар сиёсий идора қаерда эканлигига аҳамият бермайдилар”, деган расмий.
Нашрнинг таъкидлашича, "ҲАМАСнинг Қатардаги ваколатхонаси АҚШ ва Исроил томонидан қўллаб-қувватланган келишувнинг бир қисми сифатида яратилган. 10 йилдан ортиқ вақт давомида Қатар Исроил билан келишилган ҳолда, ҲАМАС бошчилигидаги ҳукуматга ёрдам бериш учун Ғазога пул юборган.
ҲАМАС вакили агар ташкилот раҳбарлари Қатардан кўчиб ўтса, у ҳолда фақат Иорданияга боришини маълум қилган.
Live
Барчаси
