“Барселона” президентлигига номзод Ҳоландни жамоага олиб келишга ваъда берди

“Барселона” президентлигига номзод Виктор Фонт “Манчестер Сити” ҳужумчиси Эрлинг Ҳоланднинг трансферини амалга оширишга ваъда бермоқда. Бу ҳақда “Tuttomercatoweb” нашри хабар берди.

Манбага кўра, норвегиялик ҳужумчининг инглиз клуби билан узоқ муддатли шартномаси ҳали ҳам амал қилса-да, вазият ўзгариши мумкин. Фонтнинг таъкидлашича, Ҳоланд замонавий футболдаги энг яхши марказий ҳужумчилардан бири бўлиб, “Барселона”нинг асосий трансфер нишонига айланиши мумкин. У футболдаги бундай узоқ муддатли шартномалар ҳар доим ҳам тўлиқ циклга тўғри келмаслигини қўшимча қилган.

Манбаларга кўра, Фонт жамоаси вакиллари Мадридда “Манчестер Сити” раҳбарияти билан учрашув ўтказган. Музокаралар давомида норвегиялик ҳужумчи инглиз клубини тарк этишга қарор қилган тақдирда, у билан шартнома имзолаш учун устувор ҳуқуқларни таъминлаш масаласи муҳокама қилинган.

Эрлинг Ҳоланднинг “Манчестер Сити” билан шартномаси 2034 йилгача амал қилади. У 2022 йилдан – “Боруссия Дортмунд”дан келиб қўшилганидан бери инглиз жамоасида ўйнаб келмоқда. Шу даврда у 150 дан ортиқ гол уриб, клубга бир қатор йирик совринларни, жумладан, Чемпионлар Лигаси ва 2022/2023 йилги мавсумда треблни қўлга киритишга ёрдам берган.