Лукашенкога 30 литр сут берадиган сигир совға қилинди

Беларусь резиденти Александр Лукашенкога Узда туманидаги “БелИнтерГен-агро” МЧЖнинг “Яченка” сут-товар комплексига ташрифи давомида Муся лақабли жерсей зотли сигир совға қилинди. Бу ҳақда БЕЛТА хабар берди.

Қайд этилишича, корхона фаолиятининг асосий йўналишларидан бири наслчилик чорвачилигини ривожлантиришдан иборат. “БелИнтерГен” асосан голштин зотини етиштириш билан шуғулланади, бироқ яқинда жерсей зотини ҳам кўпайтиришни бошлашган. Ушбу зотнинг вакиласи Лукашенкога совға қилинган.

Жерсей зоти сут йўналишидаги майда сигир зотларига киради. Унинг ўзига хослиги шундаки, сути таркибида кўп миқдорда ёғ ва оқсил мавжуд, шунингдек, у А2 оқсилининг юқори миқдори билан ажралиб туради. Шу билан бирга, вазни кичик бўлгани туфайли бу зотдаги сигирларга сезиларли даражада камроқ ем-хашак талаб этилади. Кунлик сут соғими 30 литргача етади.

Корхонада жерсей зотини кўпайтиришни битта сигирдан бошлашган – унинг лақаби ҳам Муся бўлиб, у 11 йил яшаган. 

Эслатиб ўтамиз, аввалроқ Александр Лукашенко КХДРга ташрифи доирасида мамлакат етакчиси Ким Чен Инга ўз давлатида ишлаб чиқарилган автоматни совға қилганди.