Омадсиз сальто: ММА жангчиси ғалабани нишонлаётганда жароҳат олди (видео)

Россиялик ММА жангчиси Александр Синешук Краснодарда бўлиб ўтган “Южний рубеж” турнирида дебют жангидан сўнг ғалабани нишонлаш жараёнида оғир жароҳат олди.

Маълум бўлишича, воқеа жорий йилнинг 21 февраль куни Краснодарда бўлиб ўтган “Южний рубеж” турнирида содир бўлган. Синешук биринчи раунддаёқ рақибини техник нокаут эвазига мағлуб этди. Ҳакам жангни тўхтатганидан кейин Александр тўсиққа чиқиб, орқага сальто қилишга уринди. Бироқ у ноқулай тарзда ерга тушиб, чап оёғини қайириб олди.
 
Лига расмийлари спортчига боғлам чўзилиши ташхиси қўйилганини маълум қилди.

“Ҳаммаси аъло даражада ўтди, турнирдан катта завқ олдим. Фақат сальто тўлиқ чиқмай қолди, лекин майли, энди буни такрорламаймиз. Ғалабаларни бироз камтарона нишонлаш кераклигини тушундим. Оёғимга келсак, жиддий нарса йўқ, жойига қўйишди. Бир муддат гипсда ва қўлтиқтаёқда юраман. Энди тикланиб, ғалабали серияни давом эттирамиз”, дейди спортчи ижтимоий тармоқларда.

Маълумот учун, Синешук якка курашлар бўйича бўйича Россия чемпиони ҳисобланади. Шунингдек, у ММА ва грапплинг бўйича минтақавий мусобақалар ғолиби саналади.
 
Эслатиб ўтамиз, аввалроқ cловакиялик аралаш яккакурашлар устаси Павол Васко Брно шаҳрида бўлиб ўтган Clash MMA 15 турнири доирасидаги жанг пайтида чехиялик рақиби Вацлав Микуласекнинг қулоғидан тишлаб олганди.