Реставрацияси учун 3,1 млрд сўм ажратилган Бухоро амирининг саройи қачон таъмирланади?

Жамият

−

05 Май visibility8657

Аввалроқ ижтимоий тармоқларда Кармана туманидаги "Мирзачорбоғ" саройи маданий мерос объектлари рўйхатига киритилган бўлса-да, ҳали ҳамон қаровсиз қолаётгани ҳақида хабарлар тарқалди. Ҳолат юзасидан Маданий мерос агентлиги яна ўз муносабатини билдирди.

"Ҳозирги кунда ушбу объектда таъмирлаш-тиклаш ишлари учун ажратилган маблағлар белгиланган тартибда молиялаштирилиб, Маданий мерос агентлиги ҳузуридаги “Маданий мерос объектлари реставрацияси” дирексия маркази ҳамда пудратчи ташкилот ўртасида шартномалар тузилиб, таъмирлаш ишлари лойиҳа-смета ҳужжатлари асосида амалга оширилмоқда.

Ёдгорликнинг мураккаблик даражаси ҳамда унинг кўламини инобатга олган ҳолда мазкур объектни топшириш ишлари 2025 йилнинг IV чорагига режалаштирилган", дейилади муносабатда.

Маданий мерос агентлиги бу каби ҳолатларга кенг жамоатчиликнинг бефарқ эмаслиги ҳамда маданий мерос объектларини асраб-авайлашга ўз ҳиссаларини қўшаётганликлари учун ўз миннатдорчилигини изҳор этган.

Маълумот учун, “Мирзачорбоғ” саройи Бухоро амири Сайид Абдулаҳадхоннинг ёзги қароргоҳи ҳисобланган. 1900-1905 йилларда барпо этилган, бетакрор меъморий услубга эга ушбу сарой нафақат тарихийлиги, балки наққошлик, ганчкорлик, ёғоч ўймакорлиги санъатининг ўша даврга хос намуналари акс этгани билан қимматлидир.

Навоий вилояти Кармана тумани “Кўҳнақўрғон” МФЙ ҳудудида жойлашган обида таъмирталаб аҳволга келиб қолгани учун Маданият вазирлиги томонидан 2020 йилда маданий мерос объектларни таъмирлаш-тиклаш дастурига киритилган эди. Ушбу объект реставрацияси учун бюджетдан 3,1 миллиард сўм ажратилгани ҳам маълум қилинган эди.

Мақола муаллифи

Акобир Сайидов

Теглар

Бухоро Реставрация Мирзачорбоғ

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Мустақил Давлатлар Ҳамдўстлиги ташкилотидан чиқаётган Молдова парламенти Европа Иттифоқига қўшилиш бўйича референдумни 20 октябрь кунига белгилади.

18 Май

Cobalt 3 нафар 1-синф Ўқувчиларни уриб, қочиб кетди. Болалардан бири вафот этган

Ҳолат 17 май куни Сурхондарёда содир бўлган. Cobalt русумли автомашина ҳайдовчиси қизил чироқда ҳаракатланиб, 3 нафар 7 ёшли болани уриб, бирини устидан босиб ўтган ва воқеа жойидан қочиб кетган. Болалардан бири вафот этгани айтилмоқда.

18 Май

Самарқанд шаҳрида “Европа Иттифоқи – Марказий Осиё” биринчи расмий саммити бўлиб ўтади

Президент ёрдамчиси Саида Мирзиёева Ўзбекистон билан Европа Иттифоқи ўртасида дипломатик муносабатлар ўрнатилганининг 30 йиллигига бағишланган расмий тадбирда иштирок этди.

18 Май

“Умра” тадбирларини ташкил этиш ва ўтказиш бўйича янги литсензияланадиган фаолият тури жорий этилмоқда.

18 Май

АҚШ Давлат котибининг фуқаролик хавфсизлиги бўйича ўринбосари Ўзбекистонга келяпти

19-23 май кунлари Узра Зея Ўзбекистон ва Қозоғистонда бўлади. Сафардан кўзланган мақсад демократик бошқарув ва қонун устуворлигини таъминлаш, инсон ҳуқуқлари ва аҳолининг заиф қатламларини ҳимоя қилиш ҳамда диний эркинлик масалалар эканлиги қайд этилган.

18 Май

Фарғонада 367 млн. сўмлик 270 дона уяли алоқа воситаларининг ноқонуний айланмасига чек қўйилди

Ҳолат юзасидан терговга қадар текширув ҳаракатлари олиб борилмоқда.

18 Май

Сирдарёда руҳий носоғлом аёлни мазах қилган ходимлар билан меҳнат шартномаси бекор қилинди.

18 Май

Қашқадарё вилояти Деҳқонобод туманида сел-сув тошқинлари юзага келди.

18 Май