Украина Россиянинг энг йирик нефть терминалига ҳужум қилди
Олам
−
23 Март 5720 1 дақиқа
Украина Россиянинг Ленинград вилоятидаги энг йирик нефть терминалларидан бирига ҳужум қилди. Бу ҳақда “Neftegaz.ru” хабар берди.
Маълум бўлишича, Украина Мудофаа кучлари Россиянинг Ленинград вилоятнинг Приморск шаҳридаги денгиз нефть терминалига ҳужум қилган. Бу мамлакатнинг асосий экспорт марказларидан бири ҳисобланиб, ҳужум оқибатида ёқилғи бакига зарар етган ва ёнғин содир бўлган.
Маълумотларга кўра, порт ходимлари эвакуация қилинган ҳамда фавқулодда хизматлар воқеа жойига етиб келиб ёнғинни ўчирган.
Маҳаллий ҳокимият ҳужумни тасдиқлаган. Ленинград вилояти губернаторининг сўзларига кўра, Россия ҳаво мудофааси ва электрон уруш тизимлари ҳужум бошланганидан бери минтақада 35 та дронни йўқ қилган.
Приморскдаги порт Россия иқтисодиёти учун стратегик аҳамиятга эга бўлиб, унинг қувур тизимининг қуввати йилига 75 миллион тонна нефтга етиши айтилган.
