Ўзбекистонлик ҳакам бошқарган ўйинда Марокаш ғалаба қозонди

Бугун, 20 июнь куни 2026 йилги футбол бўйича Жаҳон чемпионатининг “С” гуруҳи 2-туридан ўрин олган Шотландия ва Марокаш терма жамоалари ўртасидаги учрашув якунланди. Ўзбекистонлик ҳакам Илгиз Танташев бошқариб борган ушбу баҳсда Марокаш 1:0 ҳисобида ғалаба қозонди.

Жамоалар АҚШнинг Фоксборо шаҳридаги Жиллетт стадиони майдонида баҳс олиб борди. Учрашувни ўзбекистонлик ҳакам Илгиз Танташев бошчилигидаги ҳакамлар бригадаси бошқариб борди.

Учрашувдаги ягона гол 2-дақиқада киритилди. Унга Марокаш терма жамоаси ярим ҳимоячиси Исмаэль Сайбари муаллифлик қилди. Шундан сўнг, қолган дақиқаларда гол киритилмади.

Ўйинда киритилган голларни ушбу ҳавола орқали томоша қилишингиз мумкин.

Маълумот учун, “С” гуруҳининг 1-турида Шотландия Гаитини 1:0 ҳисобида мағлуб этган бўлса, Марокаш Бразилия билан 1:1 ҳисобида дуранг ўйнаган эди. Гуруҳ босқичининг сўнгги турида шотландияликлар жорий йилнинг 25 июнь куни Бразилияга қарши майдонга тушади. Марокаш эса шу куни Гаити билан баҳс олиб боради.