Винисиус Ямални қўллаб-қувватлади

“Реал Мадрид” ҳужумчиси Винисиус Жуниор “Барселона” вингери Ламин Ямални ирқчиликка қарши курашда қўллаб-қувватлади. Журналист ва инсайдер Фабрицио Романо ижтимоий тармоқдаги ўз саҳифасида “Реал” ҳужумчисининг сўзларини келтириб ўтди.

“Умид қиламанки, Ламин ирқчиликка қарши курашни давом эттиради. Бизда пул бор, лекин камбағал қора танли одамлар қийинчилик билан яшамоқда.

Мен Испания, Германия ёки Португалияни ирқчи мамлакатлар демоқчи эмасман, лекин ҳар бир мамлакатда ирқчилар бор ва агар биз биргаликда курашсак, умид қиламанки, бошқа ўйинчилар ва одамлар бу нарсалардан азият чекмайди”, дейди бразилиялик футболчи.

Маълумот ўрнида, жорий йилнинг 4 апрель куни Ла Лига 30-туридан ўрин олган “Атлетико Мадрид” – “Барселона” учрашувида мадридлик мухлислар Ямалга қарата ирқий камситувчи сўзлар айтган.

Эслатиб ўтамиз, аввалроқ “Бенфика” футболчиси Жанлука Престианни Винисиус Жуниорни ирқий камситгани хабар қилинган эди.

Рамазон Усанов