Ғазога очарчилик яқинлашмоқда (фоторепортаж)

Олам

−

25 Июль visibility4681 timer1 дақиқа

Озиқ-овқат бозорлари бўш. Чиқиндилари тўпланиб бормоқда. Касаллик тарқалмоқда. Ғазодаги одамлар “очлик ва сувсизланишдан кўчаларга йиқилишмоқда”.

Бу 23 июль куни 100 дан ортиқ халқаро гуманитар ташкилотлар томонидан эълон қилинган қўшма баёнотда Исроилни блокадани тўхтатишга, Ғазога озиқ-овқат, тоза сув ва тиббий воситаларнинг тўлиқ оқимини тиклашга ва ўт очишни тўхтатишга рози бўлишга чақирган кескин огоҳлантиришдир.

22 июль куни Ғазо шаҳридаги хайрия ошхонасидан овқат олишни кутаётган қиз (фото: Reuters)

“Доимий ёрдам оқимисиз ҳар куни кўпроқ одамлар олдини олиш мумкин бўлган касалликлардан ўлишларини англатади. Болалар ҳеч қачон келмайдиган ваъдаларни кутиб, оч қолишади”, дейилади “Чегара билмас шифокорлар”, Save the Childeren, Норвегия қочқинлар кенгаши ва бошқа ўнлаб нодавлат ташкилотлар томонидан имзоланган баёнотда.

Фаластинлик оилалар ва журналистлар 19 июль куни Ғазо шаҳрида йиғилиб, Исроил ҳужумларини тўхтатиш ва инсонпарварлик ёрдами кириб келишини талаб қилмоқда. Намойишчилар қўлларида “Ғазо очликдан қийналмоқда”, “Ҳужумларни тўхтатинг” ва “Дунё виждонига мурожаат қиламиз” деган баннерлар кўтарган (фото: Анадолу)

Фаластин соғлиқни сақлаш вазирлигининг маълум қилишича, 2023 йил октябрь ойида бошланган можародан бери кўплаб одамлар, уларнинг аксарияти болалар, тўйиб овқатланмасликдан вафот этган.

Ғазо шимолидаги Ал-Шати қочқинлар лагерида оиласи билан яшовчи 2 ёшли Езен Абу Фул вазн йўқотишда давом этмоқда. Сурат 13 июль куни олинган. Исроил блокадаси туфайли келиб чиққан жиддий озиқ-овқат танқислиги оқибатида унинг аҳволи ёмонлашмоқда (фото: Анадолу)

Фаластинликлар 22 июль куни хайрия ташкилоти томонидан тарқатиладиган озиқ-овқатни олишни кутмоыда. Ғазо шаҳрида оломон тўпланмоқда (фото: Анадолу)

Исроил қамалдаги Фаластин ҳудудига кўп миқдорда ёрдам кўрсатишга рухсат бераётганини айтди, бироқ ёрдам агентликлари ва кўплаб Ғарб давлатлари Исроилнинг қаттиқ назорати остидаги Ғазо аҳолисига етиб келаётган озиқ-овқат миқдори зарур бўлганидан озроқ эканини айтишмоқда.

Бирлашган Миллатлар Ташкилотининг Жаҳон озиқ-овқат дастури очарчилик яқинлашаётгани ва Ғазодаги 70 минг бола ўткир тўйиб овқатланмаслик учун шошилинч даволанишга муҳтожлигидан огоҳлантирди.

АҚШ томонидан қўллаб-қувватланган Ғазо гуманитар жамғармасидан ёрдам сўраган одамлар 24 июль куни Ғазонинг Рафаҳ яқинида қоп кўтариб кетмоқда (фото: Reuters)

14 ёшли фаластинлик Мосаб Ал-Дебс, тўйиб овқатланмасликдан азият чекмоқда, 22 июль куни Ғазо шаҳридаги Ал-Шифа шифохонасида каравотда ётибди (фото: Reuters)

22 июль куни Ғазо шаҳридаги Бемор дўстлари уюшмаси шифохонасида тўйиб овқатланмасликдан азият чекаётган фаластинлик қизнинг қўл атрофи ўлчанди (фото: NurPhoto)

Хайрия ташкилоти ишчилари 18 июль куни катта оломон учун овқат тайёрлади (фото: Анадолу)

Ала Ал-Нажжар 20 июль куни Ғазонинг Хон Юнус шаҳридаги Носир шифохонасида ўзининг 3 ойлик чақалоғи Яҳё учун мотам тутмоқда. Шифокорлар Яҳё тўйиб овқатланмасликдан вафот этганини айтди (фото: Reuters)

2 ёшли Язан исмли бола тўйиб овқатланмайди, у 23 июль куни Ғазо шаҳри ғарбидаги Ал-Шати қочқинлар лагеридаги оиласининг бузилган уйида турибди (фото: AFP)

Фаластинликлар 17 июнь куни Ғазонинг Байт-Лахия шаҳрида ёрдам сўраб йиғилишди (фото: Reuters)

Самаҳ Матар мия фалажига чалинган ўғли Амирни 24 июль куни оиласи Ғазо шаҳрида бошпана олаётган мактабда ушлаб турибди (фото: Reuters)

Ғазо шаҳридаги 18 ойлик бола Муҳаммад Закария Аюб ал-Матуқ, 21 июль. Вазни 9 килограммдан 6 килограммга тушган болакай чодирда омон қолиш учун курашмоқда (фото: Анадолу)