Қорақалпоғистонга янги прокурор тайинланди
Жамият
−
01 Август 8123 1 дақиқа
Бугун, 1 август куни бўлиб ўтган Қорақалпоғистон Республикаси Жўқорғи Кенгесининг навбатдан ташқари олтинчи сессиясида Шохруҳ Азаматович Аминов Қорақалпоғистон Республикаси прокурори лавозимига тайинланди. Бу ҳақда Жўқорғи Кенгес матбуот хизмати хабар берди.
Сессияда Ўзбекистон Республикаси Бош прокурори Ниғматилла Йўлдошев ҳам иштирок этди.
Маълумот учун, Шохруҳ Азаматович Аминов фаолияти давомида Сирдарё ҳамда Навоий вилояти прокурори, Ўзбекистон Республикаси Бош прокурорининг ўринбосари лавозимларида фаолият олиб борган.
Эслатиб ўтамиз, аввалроқ Ўзбекистон Республикаси Ички ишлар вазирининг тегишли буйруғига асосан полковник Абдувосит Абдулҳаевич Абдураззоқов Тошкент вилояти Ички ишлар бош бошқармаси бошлиғи лавозимига тайинланганди.
Live
Барчаси
