“Қўқонлик табиб” Озарбайжонда қўлга олинди (видео)
3-саҳифа
−
12 Март 22748 1 дақиқа
Озарбайжоннинг Баку шаҳридаги BI ES VIP клиникасида халқ табобати билан шуғулланувчи Иқбол Солиев қўлга олинди. Бу ҳақда “Global Info” хабар берди.
Маълум қилинишича, Солиев клиникада беморларни ноқонуний даволаган. Шу пайтда клиникада катта навбат ва тартибсизликлар юзага келган. Солиев биоэнергия ёки энергия терапияси билан шуғулланишини билдирган ва ҳар бир беморни 60 манатдан (400 минг сўм) даволаган.
Клиника маълумотига кўра, Иқбол Солиев ушбу тиббиёт муассасасининг ходими эмас. Шундай бўлса ҳам, у икки кунлик қабул ўтказиб, кейин клиникадан кетган.
Эслатиб ўтамиз, аввалроқ Иқбол Солиев вилоят судининг қарори билан 10 суткага қамалган эди. 30 декабрь куни у ўзининг Instagram саҳифаси орқали озодликка чиққанини маълум қилган ва ижтимоий тармоқларда табобат соҳасида фаолият олиб бориш учун расмий рухсати йўқлиги ҳақида хабарларни қатъиян рад этганди.
Live
Барчаси
