Макрон Эронни АҚШ зарбасидан сўнг мулоқотга қайтишга чақирди

Франция Президенти Эммануэль Макрон Теҳронни АҚШнинг Эрон ядровий иншоотларига берган зарбасидан сўнг вазиятни пасайтиришга ва мулоқотга қайтишга чақирди. Бу ҳақда Франция раҳбари кеча, 22 июнь куни Х ижтимоий тармоғида ёзди.

“Кечаги зарбалардан сўнг мен кескинликни пасайтиришга ва Эронни ушбу хавфли контекстда максимал даражада вазминлик кўрсатишга, дипломатик каналларга қайтишга рухсат беришга чақирдим. Мулоқот, Эроннинг ядровий қуролидан воз кечиши ёки бутун минтақа учун энг ёмон хавфга дучор бўлиши ҳақидаги аниқ мажбурият. Бу ҳамма учун тинчлик ва хавфсизликка олиб борадиган ягона йўлдир”,деди Президент.

Шунингдек, у Саудия Арабистони валиаҳд шаҳзодаси, Уммон султони, БАА Президенти ва Қатар Амири билан “бирдамлигини билдириш учун” музокаралар ўтказганини таъкидлади.

“Мен Эрон Президентига талабимизни такрорладим: ватандошларимиз Сесиль Колер ва Жак Парисни зудлик билан озод қилиш”, дея қўшимча қилди у.