MLS Мессини хет-трикдан маҳрум қилди

Бугун, 14 май куни тонгда “Интер Майами” MLS мунтазам мавсуми доирасида “Цинциннати”ни 5:3 ҳисобида мағлуб этди. Месси ушбу баҳсда 3 та гол киритган эди, бироқ лига аргентиналик юлдузнинг бир голи уни олиб қўйди.

Цинциннати шаҳрида бўлиб ўтган учрашувда меҳмонлар сафида Лионель Месси дубль қайд этди. Аргентиналик ҳужумчи 24 ва 55-дақиқаларда рақиб дарвозасини ишғол қилди. Шунингдек, 79-дақиқада Матео Силветти ва 84-дақиқада Бертераме Херман ҳам гол урди.

Дастлаб, MLS расмий сайти “Интер Майами”нинг 89-дақиқадаги голини Мессига ёзганди. Бироқ кейинчалик ушбу вазият автогол сифатида қайд этилиб, гол Роман Челентано ҳисобига ёзилди. Шу сабаб, Месси хет-трик қайд этиш имкониятидан маҳрум бўлди.

Мезбонлар сафида эса 41-дақиқада пеналтидан Кевин Денки, 49-дақиқада Павел Буха ва 64-дақиқада Эвандер Феррейра гол муаллифига айланди.

Маълумот учун, ҳозирда Шарқий конференция турнир жадвалида “Интер Майами” 25 очко билан иккинчи ўринда бормоқда. “Цинциннати” эса, 16 очко билан саккизинчи поғонани эгаллаб турибди.