Олимпиададаги хоккей турнирининг ярим финал жуфтликлари маълум бўлди
Спорт
−
12:14 989 1 дақиқа
2026 йилги қишки Олимпия ўйинлари доирасида эркаклар ўртасидаги хоккей турнирининг ярим финал жуфтликлари маълум бўлди.
2022 йилги Олимпия чемпиони ҳисобланган Финляндия терма жамоаси ярим финал йўлланмасини қўлга киритди. Шунингдек, кейинги босқичга Канада, АҚШ ҳамда Словакия жамоалари ҳам чиқди.
Ярим финал жуфтликлари қуръа ташлаш орқали эмас, балки Олимпия гуруҳ босқичи рейтинги асосида шакллантирилди. Гуруҳ босқичида биринчи ўринни эгаллаган Канада терма жамоаси умумий жадвалда тўртинчи ўринда қайд этилган Финляндия билан тўқнаш келади. Иккинчи жуфтликда эса АҚШ (2-ўрин) ва Словакия (3-ўрин) ўзаро баҳс олиб боради.
Ярим финал учрашувлари эртага, 20 февраль куни бўлиб ўтади. Учинчи ўрин учун баҳс жорий йилнинг 21 февраль куни, финал учрашуви эса 22 февраль куни ўтказилади.
