“Реал” Конате билан келишувга эришди

“Ливерпуль” ҳимоячиси Иброҳим Конатенинг “Реал Мадрид”га ўтиши Жозе Моуриньо томонидан маъқулланди. Бу ҳақда Фабрицио Романо хабар берди.

Манбага кўра, Моуриньо 27 ёшли Конатенинг Мадрид жамоаси билан мавсумолди йиғинидан сўнг, жисмоний ҳолати янада яхшиланишини кутмоқда.

Шунингдек, Моуриньонинг бош мураббий сифатидаги тақдимоти ва Конатенинг трансфери 7 июнь куни бўлиб ўтадиган “Реал Мадрид” президентлиги сайловидан кейин якунланиши кутилмоқда. Сайловда амалдаги президент Флорентино Перес ҳамда испаниялик тадбиркор Энрике Рикельме иштирок этади.

Маълумот учун, Конате 2025-2026 йилги мавсумда барча мусобақаларда 51 та учрашувда майдонга тушиб, 2 та гол урди. “Transfermarkt” маълумотларига кўра, унинг бозор қиймати 50 миллион еврони ташкил этади.

Конате Франция терма жамоасининг 2026 йилги жаҳон чемпионати учун якуний таркибига киритилган. “И” гуруҳида французлар Сенегал, Норвегия ва Ироқ терма жамоаларига қарши баҳс олиб боради.