Россияда мигрантлар учун яна бир тартиб бекор қилиниши мумкин

Леонид Слуцкий бошчилигидаги Россия Либерал-демократик партияси депутатлари мамлакат ҳукуматига чет эл фуқаролари учун кекса ёшдагилар учун ижтимоий пенсияларни беришни бекор қилишни таклиф қилувчи қонун лойиҳасини юборди. Бу ҳақда РИА Новости хабар берди.

Ҳужжатда чет элликлар учун кексалик бўйича ижтимоий тўловни “тегишли қўшимча тўловларни ҳисобга олган ҳолда” бекор қилиш таклиф қилинган. Қонун лойиҳаси тасдиқлаш учун ҳукуматга юборилган.

Қонун лойиҳаси муаллифларининг таъкидлашича, Россия кўплаб чет элликлар учун пенсия олиш имконияти туфайли жуда қулай мамлакат.

“Россияда ўртача тайинланган пенсиянинг ўртача иш ҳақига нисбати қарийб 28 фоизни ташкил этади, яъни, пенсия иш ҳақининг учдан биридан камини тўлашга имкон беради, бу эса унинг бутун мамлакат бўйлаб ниҳоятда пастлигидан далолат беради”, дея таъкидлаган парламент депутатлари қонун лойиҳасига тушунтириш хатида.

Россиянинг амалдаги қонунчилигига кўра, ушбу давлатда камида 15 йил яшаган, яшаш учун рухсатномага эга ва маълум ёшга етган чет элликлар ижтимоий пенсия олиш ҳуқуқига эга: эркаклар учун 70 ёш ва аёллар учун 65 ёш.

ЛДПР ушбу ташаббус пенсия тизимини асоссиз мажбуриятлардан ҳимоя қилишга, бюджет юкини камайтиришга ва пенсияни давлат ҳаётида иштирок этиш натижаси деб ҳисоблайдиган тамойилга ишончни тиклашга ёрдам беради, деб ҳисоблайди.

Эслатиб ўтамиз, жорий йилнинг 30 июнь кунидан бошлаб Россия билан визасиз режимда бўлган мамлакат фуқаролари Россияга киришидан олдин электрон ариза қолдириши шарт ва буни амалга оширмаганлар мамлакат ҳудудига киролмайди.