Садир Жапаров Кремлда Қирғизистон байроғи туширилган стикерни ердан олди

north_east

Хитойдан Бразилиягача: Moсквадаги парадга кимлар борди? (фоторепортаж)

Кеча, 9 май куни Москва шаҳрида Иккинчи жаҳон уруши устидан қозонилган ғалабанинг 80 йиллиги кенг нишонланган эди. Кремль деворлари ёнидаги Номаълум аскар қабрига гул қўйиш маросимида Қирғизистон Президенти Садир Жапаров ерга ёпиштирилган Қирғизистон Республикаси байроғи туширилган расмни ердан олиб, чўнтагига солди. Бу хориж давлатларининг бошқа раҳбарлари билан биргаликда суратга тушиш маросими чоғида содир бўлди.

Телевизион камералар томонидан олинган кадрларда Жапаровнинг Хитой раҳбари Си Цзиньпин, Россия Президенти Владимир Путин, Қозоғистон Президенти Қосим-Жомарт Тўқаев ва бошқалар билан бир қаторда турганини кўриш мумкин. Меҳмонлар протоколга мувофиқ суратга тушиш учун навбатга туришади. Бундай ҳолларда, протокол хизмати раҳбарлар туриши керак бўлган жойларда маслаҳатлар ва белгилар қолдиради. Садир Жапаров оёғи остига қаради ва расмни пайқаб қолди, сўнг энгашиб, уни ердан юлиб олди ва оҳиста буклаб, чўнтагига солди.

Давлат раҳбарларининг бундай ҳаракати илк бор кузатилаётгани йўқ. Бундан олдин Туркия Президенти Ражаб Тойиб Эрдўған худди шундай қилган эди: мамлакат байроғини оёқ остидан олган эди.

2013 йилнинг сентябрь ойида Санкт-Петербургдаги G20 саммитига ташриф буюрган G20 давлатлари етакчилари анъанавий гуруҳ фотосессиясида иштирок этганди. Ҳар бир иштирокчининг жойи ўз мамлакатининг кичик байроғи билан белгиланди. Ўшанда бош вазир бўлган Эрдўған суратга олиш жараёнида иштирокчилар орасидан ўрин эгаллаб, Туркия байроғини ердан кўтариб, эҳтиёткорлик билан уни чўнтагига солганди.