Шаҳноза Мирзиёеванинг мушуги йўқолиб қолди
Жамият
−
12 Октябрь 38342 1 дақиқа
Ўзбекистон Президенти Шавкат Мирзиёевнинг кенжа қизи – Ижтимоий ҳимоя миллий агентлиги директорининг биринчи ўринбосари Шаҳноза Мирзиёеванинг мушуги йўқолиб қолди. Бу ҳақда у ўзининг Instagram'даги саҳифасида маълум қилди.
Билдирилишича, 11 октябрь куни Тошкент шаҳрида мушук йўқолган. Шаҳноза Мирзиёева фуқароларга мурожаат қилиб, уни топишда ёрдам сўради, мушук оила билан йиллар давомида бирга яшаган ва айниқса болалар учун жуда қадрли бўлган.
Мушук Қорасув-1 (собиқ Луначарский) ҳудудида ғойиб бўлган. Оила бутун маҳаллани айланиб чиққан ва эълонлар ёпиштирган, лекин ҳеч қандай натижа йўқ.
“У – оиламиз аъзоси, айниқса болалар учун жуда қадрли. Илтимос, уни уйга қайтаришда ёрдам беринг. Алоқа учун +99888-102-77-70”, деб ёзди Шаҳноза Мирзиёева.
