Трамп Канаданинг “Тинчлик кенгаши”га қўшилиш таклифини бекор қилди

АҚШ президенти Дональд Трамп 22 январь куни Канаданинг глобал можароларни ҳал қилишга қаратилган “Тинчлик кенгаши” ташаббусига қўшилиш таклифини қайтариб олди. Бу ҳақда бугун, 23 январь куни “Reuters” хабар қилди.

Қайд этилишича, Трампнинг бу гаплари Канада Бош вазири Марк Карнининг Давосдаги Жаҳон иқтисодий форумидаги нутқидан кейин пайдо бўлган. Марк Карни форумда кучли давлатларнинг иқтисодий интеграцияни қурол, тарифларни эса таъсир ўтказувчи восита сифатида ишлатишини очиқчасига қоралаган. 

Карни Давосдаги нутқида давлатларни қоидаларга асосланган глобал тартибнинг тугашини қабул қилишга чақирди. Шунингдек, у Америка гегемонияси қурбони бўлмаслик учун “ўрта кучлар” қандай қилиб биргаликда ҳаракат қилиши мумкинлиги ҳақида ўйлаш кераклигини айтган. 

Трамп унга қарата, Канада “Қўшма Штатлар туфайли яшайди”, деб жавоб берди. Карни Қўшма Штатларнинг аввалги саховатпешалиги учун миннатдор бўлиши кераклигини таъкидлади.

“Илтимос, ушбу хат “Тинчлик Кенгаши” сизга Канаданинг исталган вақтда йиғилган энг нуфузли Раҳбарлар Кенгашига қўшилиши ҳақидаги таклифини қайтариб олаётганини кўрсатсин. Марк, кейинги сафар баёнот берганингизда буни ёдингизда тутинг”, деб ёзган Трамп Карнига йўналтирилган “Truth Social” постида.

Трампнинг Канададан таклифни қайтариб олиши, кенгашни расман ишга туширганидан бир неча соат ўтгач содир бўлди. АҚШ президентининг сўзларига кўра, доимий аъзолар ҳар бири 1 миллиард АҚШ долларидан тўлов билан кенгашни молиялаштиришга ёрдам беришлари керак.

“Ушбу кенгаш тўлиқ шакллантирилгандан сўнг биз деярли нима қилишни хоҳласак, шуни қила оламиз. Ва биз буни Бирлашган Миллатлар Ташкилоти билан ҳамкорликда амалга оширамиз.”, – деди Трамп 22 январь куни Швейцарияда. 

Кенгашнинг ташкил этилиши Трампнинг Ғазо тинчлик режасининг бир қисми сифатида Бирлашган Миллатлар Ташкилоти Хавфсизлик Кенгаши резолюцияси билан маъқулланди ва БМТ вакили Роландо Гомес БМТнинг кенгаш билан алоқалари фақат шу контекстда бўлишини айтди.

Аъзо давлатлар қаторига Аргентина, Баҳрайн, Марокаш, Покистон ва Туркия киради. АҚШнинг бошқа иттифоқчилари, масалан, Буюк Британия, Франция ва Италия ҳозирча қўшилмаслигини билдирди.

Эслатиб ўтамиз, аввалроқ Давос шаҳрида Ўзбекистон етакчиси АҚШ Президенти Дональд Трамп ташаббуси билан ташкил этилган “Тинчлик кенгаши” низомини имзолаш маросимида иштирок этгани ҳамда қатор икки томонлама учрашувлар ўтказгани ҳақида хабар берилганди.