Туркияда операция қилинган эркак она тилини унутиб қўйди (видео)

Туркиянинг Конья шаҳрида яшовчи 67 ёшли Раҳми Қорадемир исмли эркак жарроҳлик амалиёти ва артерия тиқилиб қолганидан сўнг ўз она тили – турк тилини унутиб қўйди ва ўн йил ичида биринчи марта фақат Дания тилида гапира бошлади. Бу ҳақда “Анадолу” хабар берди.

Агентлик хабарига кўра, шифокорлар ўтган ҳафтада унинг тиззасини операция қилишган. Икки кундан сўнг эркакнинг ўнг қўли ва оёғи фалаж бўлиб, гапирмай қолган. У шошилинч текширувдан ўтказилган, шифокорлар миясининг чап томонидаги катта томирни тўсиб қўйган қон қуйилишга ўхшаш ҳолатни аниқлаган. Муваффақиятли муолажадан сўнг Қорадемирнинг аломатлари сезиларли даражада яхшиланган, лекин у туркча гапира олмаган.

Бунинг ўрнига у кўп йиллар давомида гапирмаган Дания тилида мулоқот қила бошлаган. Унинг тўсатдан тилини ўзгартириши хотини ва болаларини ҳайратда қолдирган, шундай бўлсада уларнинг баъзилари данча гапирган ва бу эркак билан осонроқ мулоқот қила олишга ёрдам берган.

Карадемир, туркчани тушунганини, лекин гапира олмаслигини, бу ҳолат ўзини анча қийнаганини айтди. Қорадемир туркчани тушунганини, лекин гапира олмаслигини, бу ҳолат ўзини анча қийнаётганини айтган.

Шифокорларга кўра, чет тил синдроми ёки тилни тиклаш деб номланувчи ҳодиса мия шикастланиши тил марказларига бошқача таъсир қилганда пайдо бўлиши мумкинлигини таъкидлаган. Улар Раҳми Қорадемирнинг туркча нутқ қобилияти вақт ўтиши билан аста-секин қайта тикланиши мумкинлигини айтган.