“Енгилган курашга тўймас”. Фюри Усик билан 3-марта жанг қилмоқчи
Спорт
−
01 Май 2025 3777 1 дақиқа
Супер оғир вазнда икки карра жаҳон чемпиони британиялик Тайсон Фюри амалдаги WBC, WBA ва WBO чемпиони, украиналик Александр Усик билан учинчи жангни ўтказиш истагини билдирди.
“Мен бу ярамасни икки марта урдим, ҳақиқатни дунё билади. Исталган вақтда, исталган жойда. Кейинги сафар Буюк Британия, 100 минг киши олдида жанг бўлади”, дейди Фюри.
Фюри ва Усик ўртасидаги биринчи жанг май ойида бўлиб ўтган ва украиналик боксчи ҳакамларнинг бўлинган қарори билан ғалаба қозонган. Реванш жанги декабрь ойида бўлиб ўтди ва бу сафар Усик бир овоздан зафар қучди.
Эслатиб ўтамиз, аввалроқ ўзбекистонлик профессионал боксчи Баҳодир Жалоловнинг Усик билан профбоксда жанг қилиш эҳтимоли жуда кам эканлиги хабар қилинганди, чунки Усик 2 та жангдан кейин профрингдаги фаолиятига якун ясамоқчи.
