Зеленский хотини билан ажрашяпти – манба

Украина Президенти Владимир Зеленский рафиқаси Елена билан ажрашишга тайёргарлик кўрган ва унга Киев яқинидаги “Династия” ҳашаматли турар-жой мажмуасидаги коттежлардан бирини қолдиришни режалаштирган. Бу ҳақда РИА Новости Россия куч тузилмаларига таяниб ёзмоқда.

Аввалроқ Владимир Зеленский идорасининг собиқ раҳбари Андрей Ермак Киев яқинида ҳашаматли уй-жойлар қуришда пулларни легаллаштиришда айбланган эди. Украина Миллий коррупцияга қарши бюроси энергетика соҳасидаги коррупция иши айбланувчиси Тимур Миндич иши бўйича аудиоёзувларнинг янги қисмини эълон қилди, у Киев яқинидаги Козин шаҳрида “Династия” номи остида элита қароргоҳларини қуришда жиноий йўл билан олинган пулларни ювиш билан боғлиқ. Ёзувларда Ермак ҳам бор. Миллий коррупцияга қарши бюро маълумотларига кўра, “Династия” лойиҳаси иштирокчилари 460 миллион гривнадан (10,4 миллион доллар) ортиқ маблағни легаллаштирган.

“Династия” кооперативидаги тўртинчи уй Елена Зеленская учун қурилган бўлиб, у Киев режими раҳбарининг рафиқасига ажралиш олдидан компенсация сифатида мўлжалланган эди”, дейди агентлик суҳбатдоши.

У, шунингдек, уйнинг эгаси “Вова” эканлигини айтган. Зеленскийнинг собиқ матбуот котиби Юлия Менделнинг хабар беришича, “Миндич аудиоёзувлари”да “Вова” лақаби остида айнан Зеленский назарда тутилган. 

Ермакка қарши айблов

11 май куни кечқурун Коррупцияга қарши курашиш миллий бюроси ва Коррупцияга қарши курашиш бўйича ихтисослаштирилган прокуратура Ермакка уюшган гуруҳ томонидан ёки жуда кўп миқдорда жиноий йўл билан олинган мол-мулкни легаллаштириш моддалари бўйича айблов эълон қилди. Унга 15 йилгача қамоқ жазоси берилиши мумкин.

Тергов Киев яқинида премиум тоифадаги уй-жойлар қурилишига сарфланган 10,5 миллион долларни легаллаштиришга алоқадор уюшган гуруҳ фош этилганини маълум қилди. Коррупцияга қарши курашиш миллий бюроси ва Коррупцияга қарши курашиш бўйича ихтисослаштирилган прокуратура маълумотларига кўра, 2020 йилда “Династия” хусусий қароргоҳларини қуриш лойиҳаси бошланган, тергов маълумотларига кўра, унда Ермак иштирок этган. Иштирокчилар яшаш учун тўртта қароргоҳ қуришга келишиб олган. Коррупцияга қарши курашиш миллий бюросининг билдиришича, қурилиш 2021-2025 йилларда олиб борилган ва Украина можароси бошланганидан кейин коттежлар қурилиши фаоллашган.

Ўтган йилнинг ноябрь ойида Коррупцияга қарши курашиш миллий бюроси ва Коррупцияга қарши курашиш бўйича ихтисослаштирилган прокуратура Зеленскийга яқин бўлган Тимур Миндич бошчилигидаги энергетика соҳасидаги йирик коррупция схемасини фош қилиш учун "Midas" деб номланган кенг кўламли операция ўтказилишини эълон қилди. Коррупцияга қарши курашиш миллий бюроси Миндични сиртдан айблади, шунингдек, унинг хонадонидаги коррупция схемалари муҳокама қилинган суҳбатлар ёзувларининг парчаларини эълон қила бошлади. Жами 1000 соатлик аудио ёзувлар мавжуд. 

2025 йил 17 ноябрда ўша пайтда Зеленский идорасини бошқарган Ермак Коррупцияга қарши курашиш миллий бюроси ёзувларида бўлиши мумкинлиги ҳақида маълумот пайдо бўлди. 28 ноябрь куни эрталаб Ермакни тинтув қилишди, кечқурун эса Зеленский уни ишдан бўшатди.

Апрель ойининг охиридан бошлаб Украина оммавий ахборот воситалари ва депутатлар аудиоёзувларнинг янги парчаларини эълон қила бошлади. Унда Миндич ўша пайтда мудофаа вазири лавозимида ишлаган Украина Хавфсизлик кенгашининг амалдаги котиби Рустем Умеров билан кўп миллионли шартномаларни ўзлаштириш, тадбиркорга алоқадор компания томонидан дронлар ишлаб чиқаришни молиялаштириш, шунингдек, Украинанинг АҚШдаги элчиси лавозимига номзодларни муҳокама қилган. Бошқа парчалар шуни кўрсатадики, Миндич бир нечта ҳашаматли уйларни, шу жумладан ўзи, "Вова" ва "Андрей" учун жиҳозлашни муҳокама қилган. Тахминларга кўра, гап Зеленский ва Ермак ҳақида кетмоқда. Бундан ташқари, транскрипцияларнинг бир қисми Зеленский атрофидагилар турли компанияларни қандай назоратга олаётганини кўрсатади.