875 falastinlik yordam ob’ektlari yaqinida halok bo‘ldi – BMT

AQSH va Isroil tomonidan qo‘llab-quvvatlanadigan G‘azo gumanitar jamg‘armasi tomonidan boshqariladigan G‘azodagi yordam punktlarida va boshqa yordam guruhlari, jumladan, Birlashgan Millatlar Tashkiloti tomonidan boshqariladigan konvoylarda so‘nggi olti hafta ichida kamida 875 o‘lim qayd etildi. Bu haqda bugun, 15 iyul kuni Birlashgan Millatlar Tashkilotining Inson huquqlari bo‘yicha idorasi ma’lum qildi.

Halok bo‘lganlarning aksariyati G‘azo gumanitar jamg‘armasi ob’ektlari yaqinida, qolgan 201 kishi esa boshqa yordam karvonlari yo‘lida halok bo‘lgan.

G‘azo gumanitar jamg‘armasi G‘azoga ta’minot yetkazib berish uchun AQSHning xususiy xavfsizlik va logistika kompaniyalaridan foydalanadi va bu asosan BMT boshchiligidagi tizimni chetlab o‘tadi. Isroil BMTni HAMASga tinch aholi uchun mo‘ljallangan yordam yuklarini talon-taroj qilishga yo‘l qo‘yishda ayblaydi. HAMAS esa bu ayblovni rad etadi.

G‘azo gumanitar jamg‘armasi  ham o‘z maskanlarida sodir bo‘lgan voqealarni qayta-qayta inkor etib, BMTni noto‘g‘ri ma’lumot tarqatishda ayblaydi. BMT esa buni inkor etadi.